Die boek vlieg

Dit is vandag 3 maande sedert Stories uit die Bo-Karoo vanaf die drukker by my aangekom het. En daar is ‘n skrale 102 boeke oor. ‘n Boek van 300 bladsye, propvol met 126 stories oor Vanwyksvlei en sy mense, toegelig met 50 kleurfoto’s.

Buiten die enorme bedrag wat alreeds gegenereer is en aan Vanwyksvleiers uitbetaal kon word, het die boek soveel vermag. Vriende, van ons grenslewe van 40 jaar gelede, het weer kontak gemaak. Oud Vanwyksvleiers het dinge raakgelees wat resoneer met hulle verre verlede. Hulle het nog boeke bestel en laat aanstuur vir hulle families vir Kersfees. Mense het van oraloor laat weet dat hulle die name en stories van ou vriende raakgelees het.

Mietjie Jafta, hoor ek, het ook intussen oorgestap. Ek wonder wie versorg nou haar ma van 105 jaar oud. Haar foto bly steeds vir my die beste foto wat ek nog geeem het van almal in Vanwyksvlei. Hoe bly is ek dat sy ook in die boek verewig kon word.

P1420631resized

Nuwe inisiatiewe het ontstaan om verligting te bring aan die swaarkry van Vanwyksvleiers in die droogtetyd – en dit van mense wat nie eens geweet het waar Vanwyksvlei is nie. Daar is selfs mense wat hulle planne vir Desember so aangepas het, dat hulle soontoe gery het om self te sien hoe dit daar lyk. Nog voerskenkings is gereël. Individue het hulle hande diep in die sakke gedruk om te help om agterstallige studierekenings te vereffen. Ek staan verstom.

Die droogte is nog lank nie gebreek nie. Daar het wel plek-plek reën geval, maar talle plase het steeds nog nie ‘n druppel gekry nie. Desperate boere tref voorbereidings om in Amerika op plase te gaan werk in ‘n poging om jare se opgehoopte skuld te probeer afwerk. Families gaan in 2020 geweldige opofferings maak.

Die nuwe skooljaar en studiejaar begin; skoliere en studente moet toegerus word om die jaar te begin wat yslike uitgawes meebring. Waar moet daardie fondse vandaan kom? Die meeste boere het net nie meer skaap oor om te bemark nie. En al sou daar nog skaap wees, kom hulle moeilik op bemarkbare gewig omdat voer skaars is. Boonop is nie alle voerskenkings geskik vir die skaap van die Bo-Karoo nie.

Die nood is steeds groot. Die droogte het meegebring dat mense vir mekaar begin omgee het en vir mekaar begin verantwoordelikheid neem het. Dit moet nie nou stop nie.

In Nataniël se woorde: koop tog net seblief die blêddie boek!

Besonderhede:

Koste: R339 (sluit posgeld in)

FNB tjekrekening nr 62828658768

Naam: Hulpfonds

Takkode: 210801

Gee seblief jou naam as verwysing. Stuur ‘n foto van jou inbetalingsbewys na 082 584 4992, met jou posadres daarby en ek pos hom dadelik.

Bederfbokse

Oor Boks-vir-‘n-Boervrou kan ‘n hele boek geskryf word. Daar doen soveel hartroerende stories die rondte van ongekende seën.

Volg hierdie boks saam met my vanaf Excelsior in die Vrystaat na Vanwyksvlei in die Noord-Kaap:

bokse2

Bokse opgestapel in Bloemfontein, gereed vir uitsending

Vooraf: Dis 3 weke gelede. Petro Swart bel uit Bloemfontein om my met my verjaarsdag geluk te wens. Sedert ons skuif na Potchefstroom vanauit Vanwyksvlei, is dit die eerste keer dat ons weer met mekaar praat en daar’s baie om te deel. So vertel ek vir haar van Stories uit die Bo-Karoo wat die lig gesien het. Petro bestel ‘n boek en ‘n week later is die boek by haar.

Intussen: Tilla en Jan kry ‘n skenking van kopmeel in Vanwyksvlei. In ‘n onbewaakte oomblik (Jan moes vir Christo Koortsen op ‘n buurplaas gaan hand gee met ‘n probleem) voer Jan-Kokkie, die plaashulp, Tilla se lammers te veel kopmeel – hulle eet dan so lekker.

Die gevolg: Op ‘n streep begin hulle vrek. Tilla is raadop. Vier jaar vantevore het ‘n veearts uit die Vrystaat haar wonderlik oor die foon gehelp toe sy ook ‘n klomp skaap aan suurpens verloor het. Maar die vrou se nommer is soos in WEG.

Terug in Bloemfontein: Petro wys Stories uit die Bo-Karoo vir haar vriendinne by die kwilt gilde en vertel van Vanwyksvlei – so afgesonder en ontoeganklik, droogtehulp kom nie sommer daar uit nie.

Die plan: Een van die kwiltvriendinne werk by ENOG, die sinodale maatskaplike diens in die Vrystaats. Al die bederfbokse word deur hulle gekanaliseer. Sy reël dat ‘n vrag bokse na Carnarvon, Loxton, Vosburg en Vanwyksvlei toe gaan.

Die roete: Die vrag word gelaai en vertrek Maandag oggend, 18 November om 4vm vanuit Bloemfontein na Carnarvon. Daar word dit in ontvangs geneem deur verteenwoordigers van elkeen van hierdie dorpe.

boks4

‘n Koerantberig oor die aflewering 

Die eindbestemming: Jan en Vasie ontvang Vanwyksvlei se vrag bokse met groot dank. Dit word afgelewer in Vanwyksvlei se kerksaal waar oorhandiging plaasvind

“Toe Tilla,” sê Rida, “moet nou nie so beskeie wees nie, vat nou vir jou ook ‘n boks.”

Tilla vat een van die honderde bokse wat uitgepak staan. Vertrek plaas toe. Maak die boks oop op die plaas. Bo-in is ‘n handgeborduurde skinkbordlappie. Ook ‘n selnommer.

Die ontdekking: ‘n Mens wat met haar hande ‘n lappie utgeborduur het, mag nie net ‘n whatsapp-boodskap vir ‘n dankie ontvang nie. Sy bel.

Deidré antwoord. Deidré, die einste vee-arts van Excelsior waarna Tilla al vir 2 weke so ernstig soek om haar te help met die vrektes onder haar lammers aan suurpens.

Wat is die kanse? Ek meen, tussen al die honderde en honderde pakkies wat konstant inkom en uitgaan, dat juis dáárdie boks by dáárdie bestemming sou uitkom?

As jy nog enigsins twyfel oor Wie in beheer is, Wie alles ten goede laat meewerk, Wie uitkoms bewerkstellig en Wie die droogte op die regte tyd gaan breek, dink net weer ‘n slag mooi.

Ons ken ‘n God van wonders. Verwag dan vandag ook joune van Hom.

Nou kan jy bestel:

Stories uit die Bo-Karoo is afgelewer. Presies 3 maande na my eerste navraag aan CLF ivm selfpublikasie.

Dieboek

Die volle oplaag boeke word beskikbaar gestel om fondse in te bring om Vanwyksvleiers te help. Kontantvloei, totdat dit weer sal reën en hulle uit die as kan opstaan, is by baie boere ‘n groot krisis.

Met jou aankoop van die boek, help jy om iemand in Vanwyksvlei in nood te help. Baie dankie dat jy wil meewerk aan hierdie projek.

Soos wat die kerk in die voorgrond op die omslag van die boek sentraal in die prentjie staan, so probeer ons en ons geloofsgenote om ons geestelike broers en susters in Vanwyksvlei te help om staande te bly.

Die boek kos R339.00 en sluit posgeld in. Dit beslaan 300 bladsye, gepak met 126 stories en 50 kleurfoto’s van Vanwyksvlei, sy mense, sy omgewing en van gebeure die afgelope tyd sowel as uit die dorpie se voorjare.

Vir minder as R3.00 per storie, word jy deel van ‘n nuwe verhaal van hoe onse  mense se meelewing mekaar regop hou in tye van swaar. En dis hierdie stories wat besig is om oral rugbaar te word, wat maak dat hierdie land ‘n wonderlike plek is om in te bly.

As jy ‘n boek wil hê, moet jy opskud, daar is slegs ‘n beperkte oplaag gedruk. Die bankbesonderhede is as volg:

Naam van rekening:  Noodfonds

FNB  tjekrekeningnr.  628286 58768

Takkode:  210801 (West Acres CTR)

Verwysing: Bo-Karoo

Stuur aan my of Johan jou bewys van inbetaling met jou pos- of straatadres daarop. Jy kan sommer van whatsapp gebruik maak.

My e-posadres is leonettesmit@hotmail.com en selnommer is 082 584 4992

Johan s’n is smittiesnr@hotmail.com en sy selnommer is 082 584 4990

Ons gaan die goedkoper opsie gebruik, naamlik Speed Service van die Poskantoor se toonbank-na-toonbank.

Hoekom nou juis Vanwyksvlei? Hierdie dorpie is só afgeleë. Daar loop geen hoofroete naby verby nie. Die grondpaaie is nie in ‘n goeie toestand nie – ‘n pap wiel of ‘n getrapte band is ‘n groot moontlikheid as jy daar sou ry. Skenkings kom nie sommer daar uit nie, tensy dit direk van goedgesinde boere uit Douglas of Bothaville of Clocolan kom. Vir daardie boere bestaan daar géén alternatiewe bron van inkomste as om skaap te bemark nie. Skape is lankal nie meer in ‘n bemarkbare toestand nie. Of het alreeds gevrek. Meeste van die boere het alreeds hul medies verloor, alle polisse en versekering is gestaak, hulle kinders se skoolgeld en universiteitsgeld is ver agterstallig, daar’s nie geld vir brandstof om krippe om te ry of dorp toe te ry vir kerk of koöperasie nie. Meeste het lankal afgesien van enige luukshede soos haarkleurmiddel of tydskrifte of nuwe skoene of drie etes per dag. En as die boere ly, ly die plaaswerkers en hulle families ook.

Opreg dankie vir jou belangstelling en betrokkenheid by die Vanwyksvleiers in nood. Sedert ek en Johan hierdie bewusmakingsveldtog begin het, einde Julie, het ons al soveel meelewing ervaar, dat ons net vestom staan hoe die Gees werk in mense..

Jy kan deel word daarvan.

 

Bo-Karoo; die Boek

voorblad2

Dit het ‘n werklikheid geword; Stories uit die Bo-Karoo word gedruk. Christelike Lektuurfonds in Wellington het ‘n pragboek saamgestel van al 126 stories oor Vanwyksvlei en sy mense en sy geskiedenis.

voorblad3

 

In ‘n vorige blog het ek vertel hoe ‘n droom – letterlik ‘n droom – gelei het tot die besluit om die boek te laat maak. Dit is my beskeie projek om die boere in Vanwyksvlei te help in hierdie tyd van langdurige, uitmergelende droogte.

My plan is om die volle bedrag wat deur die volle oplaag ingesamel word, in ‘n droogtehulpfonds te stort.

Almal wat reeds op my fb-boodskap ‘n boek gedêps het, se name is op my lys. Sodra ek weet wat die boek my kos, gee ek vir julle ‘n prys en ‘n banknommer deur. Ek sal sorg dat jou boek by jou uitkom.

As drome werklikheid word, gebeur dinge. Hierop wil ek tog nooit uitmis nie.

En jy?

 

rpt