Die Halfpadboompie

Presies halfpad tussen Vanwyksvlei en Carnarvon staan ‘n Kameeldoringboompie. Vasie sê solank hy kan onthou (en dis al oor die 70 jaar) staan daardie boompie maar daar en lyk hy vandag nog presies soos weleer.

L1200794

Hierdie is nie eintlik Kameeldoringwêreld nie. Hulle staan statig, sterk en stewig die hele Kalahari vol. Maar van Vanwyksvlei af Upington toe oor Kenhardt, sien mens net hier en daar een op ‘n plaas wat aangeplant en opgepas is. Eers anderkant die Latrivier begin mens die Kameeldorings rêrig opmerk.

Vasie sê daar word vertel dat die halfpadboompie daar ontkiem het uit die mis van osse wat desjare nog waens getrek het van doeriekant af suidwaarts. Presies halfpad tussen Vanwyksvlei en Carnarvon, 40km van ons af, is die osse kans gegee om te rus. Uit daardie mis verrys ons halfpadboompie.

Dat die halfpadboompie dit oorleef het tot nou toe, is nie per toeval nie. Vasie sê daar moes al woes baklei word vir sy voortbestaan as werkers uitgestuur is om Prosopis te gaan uitroei – ‘n doringboompie is mos ‘n doringboompie …

Tog het ons boompie bly voortbestaan ten spyte van aanslae van droogte en meer. Dalk om vir ons elkeen ‘n boodskap in te hou in Peter Blum se woorde:

…Want wat is ons? ‘n Boompie

Oop vir enige wind – vir enige meslem

Kerfbaar die bas; maar as die helderheid kom en

Jy dit gee, is daar skyn van lig op

Mense en dinge, hulle lewe is heerlik

 

Hoe staan hierdie boompie darem nie vir ons Vanwyksvleiers in die teken van ontbering nie. Ons kan elkeen met hom identifiseer. Vars melk is net soms hier beskikbaar – as daar ‘n koeitjie in die omtrek is wat melk gee. Vars groente is raar. Groentetuine het ons nie in die dorp nie – daarvoor is water te brak en te skaars. Winde en lemme kom ons almal maar by wat ons maklik kan kwes. Kan kerf. Storms wat kom en gaan – nie dié soort wat reën bring nie. Maar tog laat skyn mense hulle lig helder  in hierdie ongenaakbare deel van die Bo-Karoo.

Acacia erioloba. Lyk hierdie doringboompie se sade nie ook vir jou nes oorlobbe nie?

L1200841

Waar die Karoo ingeneem word  deur  Prosopis, is ‘n kosbare Kameeldoring dit werd om opgepas te word.

Veral een met ‘n storie. Met ‘n boodskap.

P1270036

Advertisements

7 comments

  1. Elna Bekker · August 13, 2017

    En hulle saadpeule voel ook soos sagte ore; Ons het twee op ons skoolterrein. Jou skrywe is weer-eens so hartroerend mooi. Dankie daarvoor Leonette.

    Liked by 1 person

  2. Toortsie · August 13, 2017

    Pragtige storie

    Liked by 1 person

  3. Leonette Smit · August 13, 2017

    Dankie Elna

    Like

  4. Mariette van Velden. · August 13, 2017

    Lekker gelees. Nou het hy monumentstatus met sy storie .

    Like

  5. Chrisma · August 14, 2017

    Dankie vir jou wonderlike stukkies. Ek geniet dit so baie

    Liked by 1 person

  6. Franlie Lexow · August 14, 2017

    Sterkte aan die Halfpadboompie!!

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s